Montag/Dienstag, 2./3. Februar 2009

Die Woche hei mers no lockerer gno as söscht scho. Am Mäntig si mer met dr 7. Klass unterwägs gsi. Mer hei sehr vöu öber die verschiedene Schlange vo Süd Afrika erfahre. Gfaue mer immer besser! Die si nämlich gar ned so schlimm und gföhrlich, wie me immer meint.

Am Zischtig si mer met üsem Toyota i Krügerpark gange. Do zausch e gwösse Itritt, derför chasch nocher met em eigete Auto imene riese Gebiet omefahre und Tier beobachte. Leider hei mer kei Leoparde und Löiie atroffe, esch aber glich super gsi.