Donnerstag, Freitag

Sonne, Strand, Meer, Surfe, Qualle, Grille und Chille!!!! Muess glaubs ned meh säge :-)

Mittwoch, 11. Februar 2009

Höt am Morge hei mer üs vom Andrea und vom Florian verabschiedet. Wöu see morn scho zrug Flüge, blibe si witerhin in Kapstadt. Mer si losgfahre richtig Westküschte. Dört si nämlich wunderschöni Stränd und s Wasser esch einiges Wärmer. Noch ca. 4 Stund si mer be üsere Unterkunft acho. Das Mau hei mers weder super breicht! Mer hei es eigets Hüsli mit Chochi und auem. Die nöchschte 2-3 Täg wärde mer do öbernachte. S Wätter esch höt noni grad so super gsi. Trotzdäm si mer chorz dr Strand go abtschegge. Chum si mer dört gsi, esch dr Chrigi ofne agschwämmti Qualle gschtande. Hihi, dem hets gfüret unter dä Füess!

Dienstag, 10. Februar 2009

Wöu mer vom Shoppe noni gnue gha hei, si mer höt no ine gigantische Outletpark. Dört hani mer grad 2 neui Sunnebröue zom Pris vo einere kauft (mini Pilotebröue esch mer abhande cho)
Am Nomittag si mer ofne Wiifarm go Bier…ehhh Wii degustiere. Die einte hei es Damerüschli dervo treit .
Öbrigens, do unde z Kapstadt eschs ganz anderscht, as vorhär im Busch. Total es neus Süd Afrika.

Wöu s Wätter ned so dr Hammer gsi esch, si mer z Kapstadt es Aquarium go aluege. Nocher si mer ines riese Shoppingcenter go shoppe. Mer hei zuegschlage wie nüt. Dr Florian und Christian si no a Strand go bade. Be Wassertemperature vo öppe 17 Grad eschs eher es ine- und usegummpe gsi.
Gäge obe si mer a Strand abe, dr Sonnteruntergang go gniesse. Absolut geil gsi! Amazing!! Spöter si mer denn i dr Longstreet weder eis, zwöi go zieh.