Donnerstag, 5. Februar 2009

Höt si mer einisch meh ned ad Schueu gange. S esch zit worde, dass mer ändlich Löiie, Leoparde und Gehparde gsäii. Dorom si mer id Moholoholo Lodge gange. Das esch es Rehabilitationszenter för verletzti, gschwächti, vom Usstärbe bedrohti, oder elterelosi Tier. Esch vou cool gsi. Ha sogar e Geier ofem Arm gha. Cheib esch no schwär gsi J. Dank ere professionelle Füehrig hei mer vöu interessanti Sache erfahre. So si z.B gwössi Tierarte vom Usstärbe bedroht, wöu si vo dä Mönsche kontinüierlich vergiftet und verdrängt wärde. Vorauem wonderschöni Vogel-Arte si betroffe.
Witer si mer a däm Tag no e Damm und e chline Wasserfall go aluege.

Morn hei mer dr letschti Schueltag do in Hoedspruit. Am Samschtig göi mer denn of Johannisburg a Flughafe und näme e Flug richtig Capetown. Dört werde mer aui 6 zäme die letschti Woche verbringe und sicher s Kap der guten Hoffnung go abtschegge. Natürlich wird dört au s Nachtläbe es Thema si und üs ned chaut loo J. Aber z auererscht müese mer denn mau en Unterkunft go sueche. Spontan esch immer guet J.

Mau luege, weni weder derzue chome, en Itrag z schribe. Bes denn…