Freitag, 6. Februar 2009

Höt si mer nomau die verschiedene Klasse go bsueche und hei üs vo dä Lehrpersone und de Schüeler verabschedet. Die hei üs fascht nömm wöue log o. Esch no speziell, do gäbe dr die meischte en Umarmig. Esch äuä so gang und gäb z Süd Afrika. Gäge spoti Nomittag si mer nomau met de Fischerkollege ine Game Lodge go Tier sueche. Die ighageti Logde esch sage und schreibe 5000km2 gross und ghört dä Grosseltere vom ne Kolleg. Dört inne hei mer nomau fascht aui grosse Tier gsi und of Tube chöne schiesse. Zuesätzlich hei mer no chli gröberi Gwehr usprobiert. Esch hammer gsi.
Zobe si mer vo dä gliche Lüt nomau zom Ässe iglade worde. Dr Abschied esch üs schliesslich ned eifach gfaue. Mer si jederzit weder härzlich wöukomme.