Montag/Dienstag, 2./3. Februar 2009

Die Woche hei mers no lockerer gno as söscht scho. Am Mäntig si mer met dr 7. Klass unterwägs gsi. Mer hei sehr vöu öber die verschiedene Schlange vo Süd Afrika erfahre. Gfaue mer immer besser! Die si nämlich gar ned so schlimm und gföhrlich, wie me immer meint.

Am Zischtig si mer met üsem Toyota i Krügerpark gange. Do zausch e gwösse Itritt, derför chasch nocher met em eigete Auto imene riese Gebiet omefahre und Tier beobachte. Leider hei mer kei Leoparde und Löiie atroffe, esch aber glich super gsi.

Samstag, 30. Januar 2009

Do hätte no 2 platz gha!!!

Kei Kommentar!

Höt si mer aui 6 ofne Tag und Nacht Safari gange. Esch absolut spannend gsi, i däm Gfährt dore Busch z fahre und Tier z beobachte. Mer hei scho weder Wild Dogs aatroffe. Unglaublich. Vöu Süd-Afrikaner hei si no nie gseh und mer träffe si ständig. Si gäg die 20 Stück gsi. Adrenalin pur. Esch vou cool, wie nöch mer a die einzelne Tier häne gfahre si.

Am Obe am 11i hei mer denn no 2h müese zrog fahre. Mer si vo vöune gwarnt worde, jo aui Autotöre z gschplüsse und a dä Chrüzige ned aaa z haute. Au wenn d Ample rot esch, langsam dorefahre. Am Fritig si drom aui Schwarze uf dr Stross (au im 120er inne) und suffe huere vöu. Grad jetz, wo e bestimmti Frucht (Marulla) Hochsaison het. Mer söue au schön langsam fahre und lieber 1h länger unterwägs si. Ned das mer no öpper öberfahre.

Noch dene Warnige eschs mer ned wörkli wohl gsi. Wöu dr Meili eher e Bleifuess het, han eg s fahre öberno. Noch öppe 7 km esch dr erscht Schwarz of dr Stross glääge. Näbedra Autos und Ambulanz.

Spöter hets plötzlich no afo Schiffe wie di Sau und d Sicht esch rächt schlächt worde. Teilwis beni no 30 gfahre. A gwösse Stöue si plötzlich weder ganzi Mönschemängine of dr Stross omeschwanzet.

Mer hei zwar dütlich länger gha as normal, si derför schliesslich heil acho. Phuuu. Esch e weder mau es Erläbnis gsi, woni ned werde vergässe.

Am Sonntig hei mer dr ganz Tag nüt gmacht :-)

Freitag, 29. Januar 2009

So gseht üses tägliche Morgeässe us!

Höt obe hei mer e Party gschmisse. Aui PH Studis si zo üs ufe gfhare.Zzuesätzlich esch no dr Jabulani und dr Jammy (Engländer-Schnorri) cho met fäschte. Mer hei brötlet und derzue Hörnlisalooooot à la Mami gmacht. Met vöu Essiggörkli und Zebeli J. Esch super gsi.
Dr ganz obe hei mer d Musig lob rätsche, chli Bierli drunke und domm gschnoret. Ajo, Liegestütz met aschliessendem Schnaps-Schöttli esch au no rächt „in“ gsi.

Am Tage danach...